الوجبة كاملة متكاملة زي الجاهزة بالظبط الكبدة بالردة مع المخ البانيه وسلطة الكبدة بلسان العصفور
رانيا فتحي عواد
الكبدة بالردة
كبدة بانية – كوب ماء بصل
م ك ثوم مفروم
ثوم بودر – بصل بودر
ملح – فلفل
كمون – كزبرة
ردة – ٢ م ك دقيق
الطريقة
تبلي الكبده بمايه البصل والتوم والتوابل وسبيها شوية وبعدين حطيها في الردة اللي فيها معلقتين دقيق عشان متغمقش منك في الزيت وطلعيها علي طول مبتاخدش وقت ابدا
المخ البانية
للسلق
مخ – ماء مغلي
م ص خل
ملح – فلفل – حبهان صحيح
فصين توم – ليمون شرايح
الطريقة
اسلقي المخ كامل في مايه بتغلي فيها م خل وملح وفلفل وحبهان وتوم وليمون وطلعيه علي مايه بتلج او مايه ساقعه و صفيه
قطعي المخ قطع صغيره وتبليه
التتبيلة
كوب ماء بصل
ثوم مفروم
ملح – كمون – كزبرة
شطة – م ص خل
للتغليف
٢ كوب بقسماط
٢ م ك دقيق
٢ م ك نشا
بعد ماتبلي المخ هاتي بولة حطي فيها البقسماط مع الدقيق والنشا وحمريه في زيت غزير سخن
سلطة الكبدة بلسان العصفور
كبدة عصافيري
لسان عصفور محمر
صلصة
فلفل حامي مفروم
ملح – فلفل – كمون
زيت
الطريقة
تبلي الكبده العصافيري بالفلفل الحامي والتوابل وانزلي بيها علي شوية زيت وبعدين لسان العصفور والصلصه وشوية مايه وسبيها تتسبك وتاخد سواها