كرات الفراخ بالخضروات

رانيا فتحي عواد
المكونات:
-عدد ٢ بطاطس وسط متقطعه مكعبات.
-عدد ٢ كوسه وسط متقطعه حلقات وسط.
-عدد ١ جزره كبيره متقطعه حلقات وسط.
-عدد نصف كوب صغير من البسله.
– عدد ١بصله كبيره متقطعه مكعبات صغيره.
-عدد ٢فص ثوم مفروم.
-عدد ٢ ملعقه كبيرة صلصه.
-عدد ١ كوب عصير طماطم.
– عدد ١ كوب مرقه (فراخ او لحمه) و يمكن استبدالها بكوب ماء مذاب به مكعب مرق.
-عدد نصف ملعقه فلفل اسود
-عدد نصف ملعقه بهارات فراخ .
– عدد ١ معلقه كبيرة ملح .
مكونات كرات الفراخ:
– عدد نص كيلو صدور فراخ مفرومه .
– عدد ١ معلقه صغيره فلفل اسود .
– عدد ١ معلقه صغيرة ملح.
-عدد ١ معلقة صغيرة بهارات فراخ .
-عدد ١ معلقة صغيرة حبهان مطحون.
-عدد ٣ملعقه كبيرة دقيق .
-عدد ١ معلقه سمن كبيره.
-عدد ١ معلقه زيت كبيره.
الطريقه:
الاول هنحضر كرات الفراخ :
في بوله هنحط الفراخ المفرومه وجميع التوابل السابقه(فلفل اسود-ملح-بهارات لحمه-حبهان مطحون )ونعجنهم مع بعض كويس اووي .
هنشكل الفراخ علي شكل كوره وسط(في حجم الليمونه الكبيره).
هنجيب طبق صغير نحط فيه الدقيق وهنبدأ نجيب كور الفراخ ونغلفها بالدقيق من جميع الجهات بعد مانخلص كل الكميه هنحمرها .
في طاسه علي النار هنحط السمن والزيت واول ما الطاسه تسخن هننزل فيها ب كور الفراخ ونحمرها من جميع الجهات ل اللون الدهبي وبعدين نخرجهم في طبق . (الطاسه اللي حمرنا فيها الفراخ هنستخدم الزيت والسمن بتوعها في تشويح الخضار)
هنجيب الطاسه اللي حمرنا فيها كور الفراخ وهنحط فيها البصل و نشوحه لحد ما يدبل و بعد كده هنضيف الثوم المفروم و نشوحه اول ما ريحته تطلع هننزل بباقي الخضار (البطاطس-الجزر-البسله-الكوسه).
هنقلب المكونات مع بعض شوية كده حلوين وبعدين هننزل بالفلفل الاسود وبهارت الفراخ والملح ونقلب كويس لحد ما كل المكونات تمتزج بالتوابل.
بعد كده هننزل بعصير الطماطم والمرقه اول مايغلو كلهم مع بعض.
هنجيب طاجن وسط ونرص فيه كور الفراخ وهننزل عليها بكل المكونات اللي في الطاسه .
بعد كده هندخلهم كلهم الفرن علي درجه حراره متوسطه لمده نص ساعه او علي حسب بوتجازك لحد ما تستوي الخضروات و الفراخ ونخرجها من الفرن ونقدم الطاجن .
و بألف صحه وعافيه