شحات
نيفين فوزي
أنا مش شحات والله معلش
انا اسف جدا يا جماعه
لكن محتاج انا فرد الوش
والضحكه ف ايام طماعه
انا محتاج حبه من الطبطبه
والشد على كتفي المكسور
وانكوا تعذروا روح متشطبه
ف سجل احياء وانا مش مذكور
دا الدنيا دي داير ما يدور
وانا تايه جوا حزافيرها
وانا مش مسؤل لكن مجبور
اتعايش مسجون تفاصيلها
انا كل ما اقول انا هتحسن
تصدمني هواجس حقيقيه
وكأني انا طفل و بيسنن
وأوجاعه ١٠٠ ف ال ١٠٠
ف تخيل شجره ف شهر خريف
هتعافر كام مره ف يومها
انا بشبهلها وبشكل طريف
مش قادر اشببلها وأطولها
اوراقها تزيد اوي ف الطيران
وواخده احلامي تونسها
فببص عليها كتير حيران
واتمنى لو بس ألمسها