تكاية ع الماشى
رانيا فتحي عواد
ليه الموز بيفضل نضر ومحتفظ بشكله عند الفكهانى وبيبتدى يدبل بسرعة اول ما نشتريه
و ده حقيقى بالمناسبة وبيرجع لسببين ..
الأول إن الفكهانى بيشترى الموز جملة وهو لسه أخضر وبكده بيتحمل فترة اكبر فى التخزين ، ومش بيعلق بره غير اللى بيبتدى يصفر ويكون جاهز على البيع.
السبب الثاني هو إن الموز عنده بيكون متوصل كله بالساق بتاعته (اللى بنسميها سباطة الموز) وده بيقلل كمية الهواء اللى بيتعرضلها من بداية الساق واللى بتخليه يفقد مصدر حيويته ونضارته بسرعة
طيب هل فى حل اقدر أحافظ بيه على نضارتها فتره اطول بعد ما اشتريه ؟
طبعاً فى حل .. هنستخدم حيلة بسيطة وهى اننا نغطى بداية الساق اللى متوصل بيها الموز بشئ عازل عن الهواء (ورق قصدير أو بلاستيك راب) وبكده نقدر نخافظ على عمره ونضارته فترة أطول