وادي الوشواش

وفاء خروبه 

وادى الوشواش من أكثر الأماكن السياحية جمالا وروعة، فمنذ اللحظة الأولى لزيارتك له ستشعر وكأنك فى جنة يفوق سحرها جمال جزر المالديف، أو أكثر المعالم جاذبية فى ماليزيا أو تايلاند، ولكن الموقع الرائع موجود على أرض مصر،وفى قلب مدينة نويبع بجنوب سيناء، وصدق من وصفه بأنه كنز سياحى مفقود يحتاج من ينقب عنه ويكتشفه.

وتشتهر نويبع بغناها بالمعالم السياحية البديعة والطبيعة الصحراوية البدوية الساحرة التى تتخللها الكهوف والسهول التى تذوب فى هدوء مياه البحر الأحمر،وتتميز بهوائها النقى بعيدًا عن صخب وزحام المدن الكبرى، وتتعدد فى «الجميلة نويبع» مجموعة من الأودية التى نحتتها مياه الأمطار وشكلتها الرياح لتجعل منها قطعا فنية فريدة، ومن أبرزها «وادي الشواشي» أو «وادي الوشواش» كما يطلق عليه البعض.

البدو كانوا أول من اكتشفوا وادى الوشواش، بعد تساقط الأمطار

علي بعد 15 كيلومتر من مدينه نويبع باتجاه طابا في جنوب سينا اكتشف اهل نويبع (البدو) مكان في قلب الصحراء اسمه وادي الوشواش .

حرفيا وادي الوشواش ده واحد من اغرب الاماكن اللي ممكن تلاقيها في الصحراء وخاصة في مصر وكتيير بيقولو عنها انه كنز مفقود وكان محتاج حد يكتشفه من زمان .

المكان ده عبارة عن حمام سباحة طبيعي بين الجبال بتكون من 3 عيون عشان توصل للعين الاولي بتتسلق ساعه ونص وتنزل المياه تسبح لحد ما توصل للعين التانية والتالته وعمق المياه فيه حوالي 8 م .

المياه هناك دافية جدا وده بسبب احجار الجرانيت والفيروز اللي دايما بتحافظ علي دفئ المياه وبتخلي الوانها مختلفة وجذابة وعلي الرغم من ان درجات الحرارة عالية جدا الا ان المياه هناك مبتتبخرش .

وادي الوشواش معزول تماما مفيش هناك كهربا ولا شبكة ولا طريق حتي وده بيخلي المكان الانسب لأي حد عايز يروح مكان مختلف ويعمل حاجه جديدة لأن انت هناك هتعيش سفاري في وسط الصحراء بعربيات 4×4 وكمان هتعيش احلي هاينكنج هتعمله في حياتك وممكن تخيم هناك كمان هتسبح في انقي وادفي حمام سباحة طبيعي ممكن تشوفه في مصر