خواطر كاتب …خاطرة أنا المظلوم
بقلم /الدكتور حمدي بركات
أنا المظلوم
مش إنتِ
أنا اللي عشقت
مش إنتِ
أنا اللي طال ليلي
وتاه مني.
أنا اللي ضاع زمني
وضاع عمري
في عشق خيال.
أنا المظلوم
مش إنتِ
أنا اللي راح مني
حاجات كتير بتسعدني
حاجات بلاقيها وياكي
كطير بيطير في سماكي،
وفجاه ألاقيكِ مش جنبي
وأرجع تاني لأحزاني
أنا المظلوم
مش إنتِ
أنا اللي توهت في أيامي
وشوقي وحزني وهيامي
أدور علي اللي راح مني
وأعيش وياها أحلامي
وأكون جنبه في أفراحه
وأكون سنده في أحزانه
أنا المظلوم
مش إنتِ
أنا اللي ناديت على حبي
علي نبضي على أملي
علي روحي اللي ساكنه معاه
علي عشقي لبحر هواه
لقيته راح ومش سائل
وضاع أملي في إني ألاقيه
وضاع وياها أحلامي
أنا المظلوم
مش إنتِ
أنا اللي مشيت علي الأشواك
عشان أوصل لبحر هواك
وأكون جنبك وأكون ملكك
وأكون فكرك وأكون نبضك
مش إنتِ
أنا اللي طول عمري وحيد
أنا اللي بنادي وهي بعيد
بنادي عليها في خيالي
أنا اللي رميت قلبي في أحضانها
أنا اللي تحملت الدنيا علشانها
ولما لقيتها قدامي
وجيت آخذها في أحضاني
وأطفيء بحنانها نار شوقي
وأرى بعيونها نور يومي
تقوم تتركني وتسبني
لأني ببساطه أنا المظلوم
أنا المظلوم مش إنتِ