الباشا_الحرامي الباشا ( أحمد سلامة ) مدير مكتب وزيرة الصحة متراقب هو وعصابته من شهر عن طريق  الرقابة الإداريه 

بقلم 🖋️عبد الرحمن احمد الديب الوصلي

عبر القاهرية 

الباشا_الحرامي الباشا ( أحمد سلامة ) مدير مكتب وزيرة الصحة متراقب هو وعصابته من شهر عن طريق

الرقابة الإداريه

 

طلع مرتشي .. يعني فاسد ، و متعين في منظومة بتتعامل مع صحة البشر

 

راجل زي ده منصب ، ومرتب ، ومركز ، وهيبة ، وقيمة ، وقامة ..

 

ليه الحرام .. وليه تستحل مال شعب تعبان وبيحلم بالتغير !!

 

الراجل تشوفه تتخض من الهيبة ، والعظمة

وده أكبر دليل أن النفوس القذرة مستحيل تقدر تنضفها .. مهما تلبس …

 

لو حضرتك دخلت أي وحدة صحية ، و شوفت الصيدلية إللي فيها .. مش هتلاقي تقريبا غير شرايط معينة من نوع او نوعيين فقط ، وأدوية شرب تركيزها ضعيف جداً .. يعني صيدلية بالاسم

 

ودي تعتبر الملجأ للناس الغلابة .. إللي بيدفع (جنيه) علشان يكشف ويتعالج .. يعني منظومة الصحة بعافية ومحتاجة تدخل الإنعاش .. منظومة مليانة فساد وحرامية بتنهش فيها

 

وطبعا الوزيرة اتصدمت بالواقعة .. وتم نقلها للمستشفى وخرجت بالسلامة

وهي متأكدة إن الريس مش هيفوتها للوزيرة وهيشدها ، وكلنا عارفين الرئيس السيسي بيحاسب على الجنية .. فما بالك بالملايين

 

ياريت كل مسؤول مش قد المسؤولية يسيبها لغيره

 

يا معالي الوزيرة..

أنتي المسؤولة عن إللي بيحصل داخل ديوان الوزارة ، لأنك مركز القوة داخل البيت .. علشان تحميه

 

وده فساد داخل مكتبك .. فما بالك بباقي مكاتب المنظومة…..

 

خلي بالك مفيش منظومة مش متراقبة بس كله بالدور ، وبإذن الله الفساد ينضف منك يابلد

 

مش صعبان عليا غير الريس إللي ليل نهار بيقول تحيا مصر علشان يطلع بيها لفوق … وفيها إللي بيهدم مصر علشان ينزل بيها لتحت

 

ومنتظرين تحقيقات النيابة هتشوفوا بلاوي.

 

حسبنا الله ونعم الوكيل في كل مسئوووول خاين