حسبت عمري ورحلتي بالساعة
شعر شعبي/محمد القاسمي من تونس
متابعة عبدالله القطاري من تونس
لا الليـل يمـحي مالكنين اوجـاعه
ولا الصبح يشفي القّلب ويداويه۔۔۔
ولاالظهر يفهم خاطري واوضاعه
و الوڨــت ما قابـلت حــظي فيه۔۔۔
وحسبت عمري و رحلته بالساعة
نلڨى فصول الـوڨت مـا اتـواتيه۔۔۔
هـذا الزمن معكوس موش متاعه
لا الوڨت وڨتـه والـوطن خاطيه۔۔۔
ياتكون وسط دروب بيت الطاعة
و اتشوف طـرڨ الظلم واتجاريه۔۔
ولا هـمتـك في الڨـرد والّي باعه
يضحك على من سايمـه وشاريه۔۔۔
يا اتـڨد تـحمـل خبثـهـم و فراعه
وتـثـبت علـى مبــداك و اتـقوّيه۔۔
و لـولا مـتانـة مركـبك و شـراعه
مـا اتـڨد وسـط المـوج تُبحر بيه۔۔۔
محمد الڨاسمي۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔