سبرينج رولز بالخضروات و الجبنة

رانيا فتحي عواد
المكونات:
١- عجينة السبرينج رولز.
٢- عدد ١ بصلة صغيرة مقطعة صغير .
٣- عدد ١ طماطم صغيرة مقطعة صغير.
٤- زيتون اسود مقطع شرايح.
٥- عدد ١ فلفل الوان صغير مقطع صغير.
٦- عدد٣ معالق كبار جبنه فيتا .
٧-عدد ٣ معالق كبار جبنه موتزريلا.
٨- عدد ١ معلقة كبيرة زيت زيتون او ذرة او عباد .
٩- عدد ١ معلقة صغيرة ملح.
١٠- عدد ١ معلقة صغيرة زعتر .
١١- عدد ١ معلقة صغيرة بابريكا.
الطريقة :
١- في بولة كبيرة هضيف كل المكونات ما عدا عجينة السبرينج رول .
٢- هقلب كل المكونات بالمعلقه كويس اوي اوي لحد ما يمتزجوا كلهم في بعض .
٣- هفرد العجينة بتاعتي و احط كمية مناسبة من الحشوة علي كرق العجينة فوق في نص كده و هلم الطرفين كده علي الحشوة و الف زي لف المحشي كده و هكذا لحد ما اخلص الكمية كلها .
٤- في زيت غذير سخن هحمر السبرينج رولز لحد ما تاخد لون ذهبي جميل .
ملحوظه:
اقدر اشيل السبرينج رول محشي في الفريزر و اطلع منه علي اد استخدامي علي التحمير علي طول .
و بالف صحة و عافية