شعر شعبي/محمد القاسمي من تونس
غير اغزلي وزيدي الغناء يـا يمّـه۔۔
يمشي التعب والڨلب ينسى همّه۔۔
غير اغزلي صوفاتك
وطـرّق اطروقك رڨرڨي غنايتك
و ســدّايتك مستـنّـية نقـشـاتك
وكيف نسمعـك تنـزاح عني غمّة۔۔
رطّــاب يحكي سيرتك وحيـاتك
و برّاد عـنـدك مـن بـعيد انشـمّه۔۔
مطمــور فـيه الڨمـح وشعيراتك
ولا هـمـتك فـي شياح لافي زمّة۔۔
زيدي الحكاوي وطـولي ڨـعداتك
وحـدك اتجـمّـــع شـملنا و اتلـمّه۔۔
صار وقتنا ماهوش كيف اوقاتك
يا ريت وڨــتك نحضنه وانضمّه۔۔
غير اغزلي وزيدي الغناء يـا يمّـه۔۔
يمشي التعب والڨلب ينسى همّه۔۔
محمد الڨاسمي۔۔۔۔۔۔۔۔۔۔(تحية لصاحبة الصورة)