الحب المسموم
بقلم _ نيفين فوزي
ليه مهتمتش بغيابي
رميت ذكرياتنا بعيد
لا صدك عمره يوم بابي
ومهما عاتبت إيه هيفيد
حبيبي الحب مش كونك
تقولي كلام بعرض أفيش
يا فاكر إن أنا بدونك
صعب أقوم وتاني أعيش
عزيزي الطيب الغلبان
بلاش تلعب دور المظلوم
وصلت روحي للغليان
م الحب اللي كان مسموم
سؤالي في نصي م الأول
م باب الفضول للشئ
يعني لا قاصده بيه أطول
ولا ارَّجع مابينا شيء
ليك حق السكوت والرد
لكن منصحش بالتاني
عشان ليا سخيف مش فرض
اسمع كدبك الجاني