سبب ظهور الريم عند سلق اللحم.
رانيا فتحي
ليه اللحمه بيطلع منها ريم كتير ومهما شيلنا منها بتفضل موجوده وبتبوظ شكل وطعم الشوربه؟!
الإجابة بسيطة
– اللى بيعمل الريم ده هو عصارة اللحمة (المحتوى البروتينى “الاحماض الأمينية”) ودى بتخرج فى مية الشوربة بكمية كبيرة لاكتر من سبب
– يا إما سيبنا اللحمة تفك تماما بعد ماخرجت من الفريزر وابتدت تتزل العصارة بتاعتها.
– يا اما بننزلها فى مية السلق وهى بارده او لسه ما وصلتش لدرجة الغليان
الحل إن اللحمة تفك من التجميد لغاية ما كريستالات التلج الخارجية تدوب وسطح اللحمة يطرى من برة على السطح ولو كانت متقطعه لقطع صغيرة نحاول نفكها من بعض ماننزلهاش وكلها كتله واحدة
لازم تاخود صدمه حرارية سواء بالتشويح فى مادة دهنية او تنزل فى ميه وصلت لدرجة الغليان
بكده هانحبس العصارة جوة النسيج العضلى ومش هيخرجلنا فى مية السلق والشوربة تبقى رايقه وزى الفل