ريم مصطفى: مش بكره الرجالة لكن دمهم تقيل
نهال يونس
كشفت الفنانة ريم مصطفى أن كثير من الادوار في الاعمال التي تشاهدها تسبب إستفزازاً لها قائلة : بتحصل كتير أوي بشوف أدوار تستفزني واققول كان نفسي أعمل الدور ده ”
ورداً على سؤال الاعلامية لميس الحديدي : هل جمالك حصرك في أدوار معينة ؟ قالت خلال لقاء ” عبر برنامج ” كلمة أخيرة ” الذي تقدمه الاعلامية لميس الحديدي على شاشة ON”:بالفعل ده بيحصل وكل شيء له ميزة وعيب أنا شكلي خادع بطبيعة الامر عن الكراكتر الاصلي بتاعي يعني محدش يتخيل أني أعمل دور واحدة ” بيئة ” أو شعبية ” رغم أن أول ” أوديشن ” قمت به ” كان مشهد لنبيلة عبيد في شادر السمك ولما دخلت هبة رجل الغراب مكنش حد يتخيل أني جاية من شادر السمك ”
موضحة أنها تتمنى تقديم شخصيات وأدوار أخرى بخلاف الادوار التي حصرتها فيها ملامحها الشقراء قائلة : ” الكراكتر بتاعي يقدر يقدم حاجات كتيرة مختلفة ”
وعن حياتها الشخصية ومدى إتباعها لنظام غذائي قالت : ” أنا بحب الاكل جداً وبكره الدايت بس في عض الاوقات لما الدنيا بتبوظ ببدأ أركز أني أخلي بالي ورغم أني طويلة بس زيادة الوزن بتظهر عليا وبلعب رياضة من وقت لاخر بدون إنتظام خاصة لو فيه تصوير ”
واصلت : أنا بحب أدخل المطبخ وبعمل أكل حلو جداً ولو دخلت المطبخ بليل ولقيت محشي في الثلاجة هاكله ومش هيفرق معايا خالص وبحب أطبخ جداً وبعمل كل الاكل الي ممكن تتخيلوه أنا طباخة شاطرة حتى ” السي فود ” بعمله ”
اكملت : ” أنا مقتنعة أن الي بيحب الاكل لازم يعرف يطبخ ”
ومازحتها الحديدي قائلة : ياهناه ياسعده متسائلة : إيه تاني أسوأ حاجة بعد الدايت الرجالة ؟لتجيب مازحة : ” مش بكرهم بس دمهم تقيل أنا حاسة ان الستات كائنات مختلفة إضطروا يتحطوا في كوكب فيتعاملوا مع بعض عشان كده بيحصل تصادم ”
ورداً على سؤال الحديدي : ماهي أكثر الاشياء التي تكرهها في الرجال ؟ لتجيب قائلة : أنا شايفة ان أكتر أمر مهم بين الرجل والست أن يحترموا إختلافتهم لكن طول الوقت الرجالة بتحاول تخلي الي قدامها شبهها أو العكس صحيح لكن لو إحترمنا أن ربنا خلقنا كائنات مختلفة فالامر سيختلف وهتبقى الدنيا تمام “