بسم بواقي الاحلام المتسرسبة
منزوعة من طفل برئ
وبسم الحنين
ووجع السنين
وناس في حياتنا بتفارق
ورصيد عمرنا اللي بيتسابق
في عتمة سواد الليل
لساة النهار بيشق طريق
تعرف يا بابا نويل
انا نفسي تيجلي في كل ليل
وتقولي هاتطلب اية
دة أحلامك بين ايديك
استني اشوفها في المنام
نفسي في كون مليان سلام
بعيد عن اي حروب
في البشر قلوبهم صافية ونقية
انا نفسي في دنيا غير دية
دنيا خاليه من اي عيوب
انا نفسي يا بابا نويل
اتوب عن اي ذنوب
وافتح صفحه بيضة
مهما كانت حياتي عتمة
نفسي ارجع عيل صغير
وكل حاجه فيا تتغير
نفسي في حضن أم
وافرح ماشيلش هم
وانسي كل اللي جارحوني
كنت واهب عمري ليهم
وهما في مزاد باعوني
هاتطلب تاني اية
استني عليا شوية
انا نفسي يا بابا نويل
تيجلي في كل ليل
وقبل بداية يوم جديد
انا نفسي بالتحديد
احلامي كلها تتحقق
وزي مافي شمس غروب
في دنيا جديده وشمس شروق
بيها اعيش في دنيا تانيه
وعلي ماضي انسي وافوق
ها تطلب اية
من بعد ليالي الالم
في شمس بتشرق امل
والقلب الميت حزن
لساة بروح حي
سنه جديده 2022 ❤
الضلمة في وجودها ضي