مع أميرة أحلي…طريقة عمل الجلاش باللحمة
الشيف/أميرة
طبعا الجلاش باللحمة مافيش أروع منه تعالي أقولك علي تركات هتخليكي تعملي جلاش أحلي من المحلات يلا بينا علي الطريقة
المقادير
هتجيبي لفة جلاش
والصنية متوسطة
ونص كيلو لحمة مفرومة
بيضه
كوب لبن دافئ
نصف كوب سمن سائح
فلفل اخضر
الطريقه
أولا : نعصج اللحم نخرط بصله كبيرة ومعها الفلفل الأخضر حسب الرغبه حار أو رومي لكن الحار أفضل بكتير علي النار مع معلقة سمن ونقلب إلي أن تدبل الكبيرة.
ننزل باللحمة وعليها رشة فلفل أسمر رشه ملح ورشه بسيطة من السبع بهارات و ومكعب واحد مرقة دجاج ونوطي النار ونسبها تستوي .
تعالي بقي علي التركاية اللي الجلاش بعدها هيكون وهمي
بصي ياستي هتجيبي كوباية اللبن وعليها البيضة وعليها السمن السايحة ورشة فلفل ورشه ملح.
نجيب الصاج وندهنه بالسمن وبعدين نوزع ورق الجلاش وبين كل طبقه نرش رشه حلوه من الخليط الجبار دا لغايه ما نخلص النص الاول من الجلاش ننزل باللحمه في النص ونكمل رص الصاج بنفس الطريقه حتي علي الوش نقطعه حسب الرغبه وعلي فرن مسخن مسبقا والصنيه في الرف الاوسط علي درجه حرارة ١٨٠ اول ما نلاقيها اخدت لون من تحت نفتح الشواية ونخلي بالنا لانها مش هاخد وقت .
جربوها مش هتندموا وألف هنااااااا.