رانيا فتحي عواد
التتبيلة الأساسية وبعد كده ممكن كل واحد يضيف عليها حسب ذوقه ورغبته
مقادير للكيلو
نص كوب زيت
أربع فصوص ثوم مفروم ناعم
معلقة صغيرة كمون
معلقة صغيرة كسبرة مطحونه
معلقة صغيرة ونص ملح
وكل سمكة بتاخد عصير ليمونة كاملة
نخلط كل المكونات دى مع بعض كويس جدا وبنتبل بيها السمك من جوه وبرة
وبنعمل فتحات بالعرض فى السمك من برة عشان يشرب التتبيلة ويفضل نسيبه نص ساعه يتخمر فى تتبيلتة
بنضيف شرايح من الليمون على وش السمك وبندخله الفرن على درجة حرارة ٢٠٠ فى الرف الأوسط من نص ساعه ل ٤٥ دقيقة
إضافات مع التتبيلة حسب الرغبة
فلفل اخضر حامى
هريسة شطه
فلفل ملون
إضافة حشوة لبطن السمك
عبارة عن طماطم وبصل وفص ثوم وكرات كله متقطع صغير ونتبلهم بملح وفلفل وكمون وليمون
إضافة مكعبات بطاطس مع صنية السمك عليها نفس التتبيلة
افضل انواع السمك للوصفة
البورى والوقار و دينيس
ويمكن عمل البلطى بنفس الطريقة
السمكه بننضفها من الخارج كويس جدا وبنسيبها مقفولة ونتبلها عن طريق عمل فتحات عرضية بالسكينة على جانبين السمكه
أو نفتحها وننضفها من الداخل ونتبلها جوة وبرة
اختارى الطريقة اللى تناسبك