أكتب ،عبٌر، قول
شعر شعبي/محمد القاسمي من تونس
متابعة عبدالله القطاري من تونس
اكتــب عبّــر قــول كلـيمـة
فـرّغ ڨــلبك مـا اتــخبّيش۔۔
خرّج وجعــك في تبسـيـمة
حـروفك دمـعــة ما تولّيـش۔۔
اتداوي جرح القلب وضيمه
وعـندك غـصّـة و ما تبكيش۔۔
روحـك فـي حاجة لنسيـمة
لازمــها تـحـيا و اتـعــيــش۔۔
و لـسانك يبـقى بـلا قـيـمـة
و تقعد ساكت ما تحكيش۔۔
فضفض واحكي ديمة ديمة
صمتك يوجـع ما يداويش۔۔