” كان نفسه يتعشى وملحقش”.. تفاصيل إصابة “اسلام ابراهيم” بسبب زفة دراجات بخارية ببورسعيد
تقرير : جهاد إمام
ضجت صفحات التواصل الاجتماعي ببورسعيد اليوم، الخميس، بالدعاء لاحد الشباب الذي يدعي اسلام ابراهيم ويبلغ من العمر 24 عام بسبب حادث تصادم بشع تعرض لة.
تفاصيل صادمه :
تلقت الاجهزه الأمنية بلاغا بوجود حادث سير وان هناك مصابين أمام البنك الزراعي في نطاق حي المناخ يوم، الثلاثاء الماضي، وذلك بسبب زفة دراجات بخارية وسيارات بنفس النطاق أدت إلى إصابة اثنين من الأشخاص أحدهم اصابتة بالغة وتم نقل المصابين الي مستشفى الزهور التابع لهيئة التأمين الصحى الشامل ببورسعيد.
العشاء الاخير والخروجة الاخيرة :
قال “أحمد” صديق اسلام والدموع تخالط عيناه :
انا مش مصدق اللي حصل احنا كنا خارجين نتعشى سوا عشان بقالنا كتير مشفناش بعض مكنتش متخيل ان ده ممكن يحصل وبعد م كنا واقفين مع بعض انا اغم عليا ولما فوقت مالقيتش اسلام جمبي انا عايز اسلام يرجع ويفوق ويبقى كويس وعمري م هنسي وهو بيحضني ويقولي “انت وحشتني اوي ياض ”
الحالة الصحية :
قال “محمد” الأخ الأصغر للمصاب “اسلام” اخويا شاب زي الفل ومش بتاع مشاكل وانا معرفش هما قاصدين يعملوا ده ولا لا انا طالب المذنب يتعاقب وياخد جزائه لان حاله اخويا الصحية بتدهور والوعي عنده ٣ والمخ توقف وعظام الجمجمة متكسرة ده غير الكدمات والجروح ومنظره اللي محدش فينا قادر يستحملة والدكاترة رافضين اي تدخل جراحي لان بنسبة 90 % حياتة في خطر ومش بيستجيب لأي علاج أو تدخل طبي.
