عندي بارشا حبّ

شعر شعبي/الحلاّج الكافي من مدينة الكتف
متابعة عبدالله القطاري من تونس
عنْـدي برشـا حُبّْ
سَاكنْ وِسط الڨلبْ
غِـيرْ الوقتْ الكلبْ
ما خــــلّاني ..
و عندي برشا حنينْ
يسيّـلْ دمــع العِـيـن
غيرْ الـوقتْ الشّيــنْ
هُـوَ نَـفَـاني ..
و يا مخـزنْ لَـوْجَاعْ
اقْـفــلْ بابــكْ ..
و يكـفي ما خـرّجتْ
مـن أعْـتــابـكْ ..

عـنْـدي بَـرشَـا وِدّْ
وغَـزل الكُـلُّو جِـدّْ
وشُوڨِي مَالُـو حَـدّْ
يَا نسيَـانِي ..
وعندي برشا أسبابْ
حتّى نِـحِـلّ الْبَـابْ
ونُدخلْ لّك خَطَّـابْ
قَصْـدِي بَـانِي ..
وياما ليل سهـرتْ
نُومي هجرني ..
وانتِ طول رڨدتْ
نُـومْ قْهَـرنِي ..

الحلّاج الكافي (م.ق. ) .