_وڨُــلــتْ _
شعر شعبي/ محمد الزيتوني من قابس
متابعة /عبدالله القطاري من تونس
في منامي شُفت منامة فيها برشا حِسّ وضجيج ورياح وتكرّرت برشا كلمات
يَـا ڨَـلبِي كَان حَاسْ
مَـا يْـحِسَّكْ بْـــشَرْ**
كَانْ طَار عَلِيّا نْعَاسْ
في لِيلْ السّـهَـرْ**
في مْنَامِي وسْوَاسْ
في العِيـنْ والشْـفَـرْ**
ركِبْنِي الهِـلوَاسْ
ما جَــانِي خَـبـرْ**
حْـلِمْـتْ ولاَبَــاسْ
كِي نُومِـي غَــدَرْ**
الإحْسَاسْ في الحَوَاسْ
مَا تِعْـرفْ الشَــرْ**
نَطِّيتْ كي الحَـلوَاسْ
ما رِيتْ الخَطَــرْ**
طْـلَعْ دَڨّ المِهْـرَاسْ
يْـدَنْدِنْ كِي الحَجَـرْ**
وزْفُـوفْ ومِـردَاسْ
مَا شُـفتِشْ نْـظَـرْ**
ڨْـدَا جَـارِي عَـسّـاسْ
يْـحَضِّرْ في الجْـمَرْ**
كي هَـاكَ النَـسـنَاسْ
يِعْرِفْ كان الضْرَرْ**
كي الطِيرْ لي دَاسْ
كِي طَـاحْ إنْـكسَـرْ**
على خَاطِـرْ لا سَاسْ
لا كْــرَعْ لا صْـدَرْ**
الصّلعَة في الرّاسْ
لا شِـيبْ لا شْـعَـرْ**
في حِلمِي أكْـدَاسْ
وأضْـغَـاثْ السَـمَـرْ**
وحَـلِّيتْ الكُـرّاسْ
مَا لْـڨِيتْ الزّمَـــرْ**
//محمد الزيتوني
أواخـر الليل