* يااااما قبلك *
بقلم /عماد الأبنودي الشاعر الكبير من القاهرة
متابعة عبدالله القطاري من تونس
إكدب جمل كده ع كيفك
لون بالأشكااااال زيفك
كل اللي عملته راح تلقاه
مستنيك هناك ف طريقك
مهما عرفت تكدب وتداري
و تحور دوما ب حكااوي
هتفضل خايب دوما مقهور
جوه حواديتك متداري
إلعب و إتسلى ف القلوب
و شوف الصوره بالمقلوب
إجرح و إجرح قد ما تقدر
بكره جنابك تبات مغلوب
ما هيه ااااالدنيا ياما دوارة
حبة مكسب و حبة خسارة
لو فاكرها هتدوووم ليك
تبقى تجارتك دي خسرانة
ياما قبلك لعبوا ع الفاضي
كسروا دمروا كتير قلوب
قالوا الحب شيء فااااضي
مليااان غش كتير و عيوب
بقلم عماااد الأبنودي
21 , 11 , 2022