طير بينا
الشاعر / محمد منصور
طير بينا يا قلبي على الأحلام
هنعيش في سرور وهنا وسلام
ننسى الدنيا وكــــل مــا فيها
ونقول في العشق أحلى كــــلام
ونعيش دنيتنا بحــــــــــلاوتها
ننام ونصحى على الأنغــــــام
نعشق بعضنا ونـــــدوب كلنا
وحياتنا تبقى وئـــام في وئـــام
نهارنا كلــــه ضحك ولعــب
وليلنا كله غــــرام في غــــرام
طير بينا يا قلبي لبحــر الشــوق
هنغرق فيه من تحت لفـــوق
من كــل لون للشهد نــــــدوق
ونعرف كــــل الناس الــــذوق
ننسى ألمنا وكـــــــل همــومنا
ومــزاجنا فيه ديماً هيـــــروق
بالفرحة نـــودع أحــــزاننا
نسعد بعضنا في غروب وشروق
نحلم بالــــدنيا بقت جنــــة
نسكر م الحب أبـــــداً مـا نفــــوق
طير بينا وخطي بحـــور وجبــال
خليلنا حياتنا خيـال في خيـال
دا عيشتنا هتبقى عـال االعـال
والنـاس تضرب بيها الأمثــال
يا محلى الفــرحة في قلـــوبنا
والكــــــل يغني على المـــوال
هنعيش في فــرح وجمال ودلال
وهنبقى ديمـاً ف أحسن حال
بالحـــب هنبقى ف أحلى خصال
نربط للــــود حبـال وحبــال
مهما الــــــــدنيا لعبت بينا
هنعيش بالحب نســـاء ورجـال
بقلمي الشاعر / محمد منصور