مستنى إيه؟!
خواطر بقلم _ سمر فتحى
مستنى إيه يالا قوم
الدنيا مبتديش اللي قاعد
خبط وكسر في الجدار
وميهمكش اللي يقولوا
مهما وقعت نفض وقوم
طول ما فيك النفس داخل
وطالع يبقي ربك كاتبلك
إنك تقوم وتجرى، مستنى إيه؟
هيجي اليوم وترتاح أكيد
ويوم ما يجي مش هيفرق
معاك مين وقف ومين
قال اهو ريح وارتاح
خلي خطاك في الخير
وامشي وشد الرحال
واما تلاقي الشر قدامك
لف وأرجع ده اللي يمشي
ورا الشر خسر دنياه واخرته
مستنى إيه؟