محشي بصل وفلفل
رانيا فتحى
المقادير:
ارز مصري
بصل كبير ابيض
فلفل رومي
ملح وفلفل
بهارات محشي
زعتر ناشف
بابريكا
بصل مفروم
لحمة مفرومة متعصجة
عصير طماطم وصلصة طماطم
كزبرة خضراء مفرومة
شبت اخضر مفروم
زيت
مرقة للتسوية
الطريقة:
ننقع الارز عشر دقايق ونصفيه ونجيب حلة فيها مياه سخنة بتغلي وفيها معلقة ملح ننزل فيها البصل بعد ما نديه تشريحة بالسكينة من النصف لحد ربعها وننزلوا في المياه دقيقتين بالظبط ونطلعوا بعد ما يهدي نفكوا من بعض ويبقي جاهز الحشو بنجيب ورقة ورقة نحط معلقة من الحشو في النص ونلفوا وبعد ما نحشيه نحطوا بين الفلفلاية والتانية علشان ميفكش او لو هتعملوه لوحدوا حطوا جنب بعض كويس علشان الورق ميفتحش ونفس الحشوة هنحطها في الفلفل انا حطيت بس طماطم شيري فوق وش الفلفل ونحط المرقة توصل لحد النصف ونغطيه ونسويه
خلطة المحشي:
نعصج اللحمة المفرومة ونحط في بولة الارز والكسبرة الخضرا والشبت والبصل المفروم والملح والفلفل وبهارات المحشي والزعتر والبابريكا وزيت والطماطم المتسبكة ونقلبهم كويس ونحط اللحمة المفرومة ونقلبهم ونحشي بيهم وبالهنا والشفا
