ندي حمودة أول حكم بنت في منطقة القليوبية بالاتحاد المصري لكرة القدم
حوار- حمادة فرج
في البداية يسعدنا نعرف حضرتك للقراء
ندي محمود حمودة
طالبة بكلية تربية رياضية الزقازيق
22سنه مواليد مدينة شبين القناطر – محافظة القليوبية
متي اكتشفتي موهبتك؟
وانا في الاعدادي كنت بلعب العاب قوي وأخذت المركز في الوثب والمركز التاني في الجري علي مستوي المحافظة وبدأت اتمرن مع كابتن في مركز شباب ناصر وكنت ساعتها حبيت الرياضة جدا وبدأت اركز فيها أكثر وانا في الثانوية العامة وبدأت لعب كرة قدم في مركز شباب شبين القناطر مع كابتن أحمد صيام وكنت بلعب مع الاولاد وبدأت أركز اكتر وبدأ يلعب معايا بنات في الفريق لحد ما كابتن حسام عبد العاطي خدني انا وبنته مركز شباب طوخ والحمد لله من اول يوم لي في النادي الكابتن طارق مسعد أخذ أسمي وطلب مني اوراقي للانضمام رسمي للنادي وبدأت اللعب هناك من موسم 2017-2018 حتي الآن
من الداعم لك و لموهبتك ؟
ماما اكتر حد تعب معايا كانت بتيجي معايا التدريب واكتر حد شجعني وكانت الداعم الأساسي ليا وبابا طبعا كان اكتر حد شجعني ويدعمني وشجعني اكتر اني أدخل مجال التحكيم وأخواتي طبعا وأيضا كابتن حسام عبد العاطي شجعني جدا علي مواصلة المسيرة في كرة القدم والتحكيم
كيف اتجهتي للتحكيم علما بأن المعروف لاعب كرة القدم يتجه أكثر للتدريب؟
منذ خمس سنوات العب كرة قدم كان نفسي إنضم لمنتخب مصر بس الحمد لله علي اللي ربنا يعمله ولاقيت مستقبل الكورة في مصر ولا حاجه وبدأت أفكر في التحكيم منذ عام 2018 بس مقدمتش ساعتها بسبب الثانوية العامه وأول ماجت فرصة قدمت والحمد لله اجتزت الاختبارات وأصبحت أول حكم بنت في منطقة القليوبية
واكثر سبورت ليا دلوقتي ونفسي اوصل ليها كابتن شاهندا المغربي
ما طموحاتك المتطلعه اليها ؟
أولا إني اتخرج من كليتي
ثانيا نفسي اقدم في كلية الشرطة وأكون في المنظومة الشرطية
وأخيرا نفسي أبقي من أفضل الحكام الدوليين في مصر بل في أفريقيا
تتقدم أسرة جريدة القاهريه بكل الشكر والتقدير للكابتن ندي حمودة بحوارها الشيق معنا
لذا نرجوا الله عز وجل التوفيق والنجاح الدائم .