البيتي بان
اعداد / رانيا فتحى
المقادير
– معلقة كبيرة خميرة فوريه
– نصف معلقة صغيرة محسن خبز
– نصف معلقة صغيرة سكر
– معلقة كبيرة حليب بودر
– بيضه
– معلقة كبيرة زبدة
– 220 مل ماء
– نصف معلقة صغيرة ملح
سائل التلميع:
بيضه
15 جرام سكر
5 جم ملح
5 جم فانيليا
طريقة التحضير:
– فى الميكسر نضع كوبين ونصف دقيق ومعلقة كبيرة خميرة فوريه ونصف ملعقه صغيرة محسن خبز ونصف ملعقه كبيرة سكر وملعقه كبيرة لبن بودر وملعقه زبدة ونخفقهم مع بعض لحد ما يكون خليط رملى
في كوب كبير نخفق فيه بيضه مع معلقة كبيرة ماء ونضيفها على الخليط السابق ونخفقهم مع بعض كويس وبعذين نضيف نصف معلق صغيرة ملح ونخفقهم مع بعض لحد تجانس نحصل على عجينة متماسكة وطرية.
– نحط العجينه فى طبق ونغطيها ونسيبها تخمر فى مكان دافي لمدة ساعه وبعدين نقطعها كرات
– على الرخامه نفرد العجينه ونبرمها ونضغط عليها بكف الايد ونبرمها بيكون 12 سم ونرصها فى صينية مدهونة زيت ونعمل في كل رغيف خطوط بالسكينه ونغطى بفوطه ونحطه فى مكان دافي لمدة ساعه يخمر (نخلى القفله من تحت علشان التخمير ولازم نسيب مسافه كبيرة بينهم)
– سائل التلميع: فى طبق نخلط البيض والملح والسكر والفانيليا ونخفقهم مع بعض وندهن بيه البيتى بان
– وندخل الصينية الفرن على 220 درجة لمدة 25 دقيقة او لحد ما ياخد لون ذهبي.