البلبل البري
بقلم/ناجح أحمد – صعيد مصر
البلبل البري صادحْ
و صوتي معاه رايحْ
بدور عليه من امبارح
لقيته في الهوى سارح
و الورد الأحمر على الخدين طارح
خضار عنيها ريحانه صابح
و الشعر سارح بالمسارح
يهفهف على جبينها و من ورا سايح
تحط القدم على الأرض يروح التراب فارح
كأن بلقيس ماشيه على نيل سابح
تشفي العليل و قوامها الجميل دابح
فتح يا ليلي الطويل بنور زهرتك جامح
هيه للكون الضي مانح كل من سامح
اوصف دلالها يا ليل بدمعك النايح
دا كل الخلايق لما شافوها غنوا فيها المدايحْ.
و عجبي.
ناجح أحمد محمد – صعيد مصر