الشيف/أميرة
تورتة في البيت معقول تطلع حلوه زي المحلات
لا وهتطلع أحلى بإذن الله تعالي معايا وهقولك علي كل التركات والحركات اللي هتخليكي تعملي أحلي تورتة وأحلي من المحلات كمان .
انا هنزلك كل المقاسات تكفي كام فرد والمقادير بتعتها نبدأ يلا
المقادير
مقاس الصنيه 16.و18تكفي من 6الي8افراد
لو هنستخدم اسبونج جاهز هنحتاج
4بيضه
ربع كيلو اسبونج
لو هنعمل احنا الكيك البيتي اللي طبعا مافيش احسن منه هنحتاج
4بيضه
187جرام دقيق عادي
6جرام بيكنج بودر
75جرام مياه
27جرام نشأ
35 جرام محسن جل
150 جرام سكر
معلقة صغيرة فانيليا
معلقة صغيرة خل
لو هنعمل مقاس الثانيه 20,22,24,26,28,30 هنحتاج
5بيضه
250 جرام دقيق
100 جرام مياه
200 جرام سكر
50 جرام محسن جل
8 جرام بيكنج بودر
40 جرام نشأ
معلقو صغيرة فانيليا
معلقة صغيرو خل
الطريقة
هنحط كل المكونات مع بعض وناخد بالنا المحسن جل لازم يكون فاتح لون الفازلين لو مش كدا حضرتك اوعي تستخدميه.
والمياه اللي هنستعملها تكون ساقعة جدا لنجاح الخطوات
ونضرب كل المكونات بالمضرب الكهربي أو العجان مدة لاتقل عن 6دقائق هناخد بالنا لون الخليط اتغير الفاتح جدا وكمان السمك أصبح تقيل جدا نضع الخليط حسب مقاس الصينيه المتبطنة بورق الزبدة في فرن مسخن مسبقا وعلي درجة حرارة 180 لو الصينية صغيرة الوقت هيكون من 8دقائق إلي ربع ساعة حسب كمية العجين.
لو الصينية كبيرة الخليط بيحتاح من ربع ساعة إلي ساعة كاملة حسب كمية العجين وبكدا هتكوني عملتي أحلي اسبونج بيتي أحلي من المحلات .
وفي بوست تاني هعلمك طرق سهله لتزين الكيك
لو محتاجه أي استفسار سبيلي سؤالك في كومنت وأنا هرد عليكي يلا ياحلوين وروني ابداعتكم