فراق الأم

للشاعرة / جميلة غضباني من تونس
(شعر شعبي)
فات عام والثاني قريب يتمْ
من فرقتك نا بكيت دمع الدمْ
ردّو عليك لَلْحاد
ومن فُرقْتِك ياما كوتني أنكاد
تحرقْت وتذرّيت مثل رماد
نبات دمعتي عالخد وانخمّمْ
كل ما لمحت أنداد في ميعاد
نتخيلك عالبعد قاعد ثمْ
مغروس سيف الدّهر في الملهاد
حليل من فرقْ لحباب راحو ردَمْ
خذاك القبر تقّاك وسط ترابو
ونا كبدتي و القلب طابو ذابو
يا وعد ربّي و قدرتو و آسبابو
على جبيني مكتوب و آمحتِّم
الضيم من هولو الرضايع شابو
دفنت الغوالي والسّند تِهدَم
لا صبرت لا تحمّلت يوم غيابو
و جرحي نزف وحلف ما يتلم.