معني الأمان
بقلم / سمر فاروق
يعني حضن أتخبي فيه
وروح تحس بيا
وقلب يشاور ويناديه
ولما اقول الآه
يقول سلامتك ويداديه
ولما عيني تدمع
يجري يمسح الدمع
بإيديه
يعني افضفض من غير
ماأخاف
او احس بارتجاف
اوتكون مشاعري
تقيله
أو تكون صابها
الجفاف
الأمان٠٠٠٠
يعني توارد خواطر
يعني روح دايما
تخاطر
عشان مؤمنة
إنها عايشة بيها
بتساندها بتقويها
حتي رغيف العيش
فيها
تشاطر
يعني ٠٠٠
احس بيها
من نسمة هوا
مرت عليها
ومن فرحتها
من لمعه عنيها