بنفارق
كلمات/ أيمن البكري
يادنيا عيب قولي للزمن
كسرت صفوة أحلامنا
كل أما نيجي نقول أمل
نلاقي الحزن قدامنا
من كتر يا الاءحزان
صعبت علينا أيامنا
يادنيا خدتي مننا
أعز الناس لينا أحبابنا
وكتبتي علينا قصه جديده لعذابنا
يادنيا إحنا عن الاءحلام ديا توبنا
يادنيا من كتر الجراح تعبت قلوبنا
تعبنا من كتر الهم
من الوحده إل ذي السم
حياتنا بقت ذي الفيلم
روايه وحدوته
كل أما القصه تتعدل
أدوارنا بتتبدل
وديمن ف النهايه تطلع
ماسخه وملتوته
محدش فينا بقا راضي
عايشين نندم علي الماضي
ولما أحلامنا تتدمر
نقول يا ألف خساره
ضيعنا العمر علي الفاضي
بنفارق
أعز الناس علي قلوبنا
ومن بعد غيبتهم
نحس ب ألامنا وعذابنا
ونعرف قد إيه قيمتهم
تعدي سنين وننساهم
ومايفضلش شئ منهم
غير شويةحاجات مشوهه ومكسوره
وكام ذكري وكام صوره
بنفارق
أبويا إل رباني
وإمي إل شالت ياما
همومي وأحزاني
وحبيبه كانت عايشه جوايا
وعاشقها وعاشقاني
وناس كتيره حبيتها
الدنيا مني خطفتها
وبعد كل طريق
أرجع تاني وحداني
علي طول الجرح نصيبي
والحزن تملي عنواني
بنفارق
وندمر ونتكسر
ونندم ونتحسر
ونحس إننا بنخسر
شويه بنتأثر
ونرجع ذي ماكنا
وشوش تايها وكئيبه
كتير أحوالنا غريبه
وصعب إنها تتفسر
بنفارق
بنتقابل ونتفارق
ف دنيا بقت ولا المركب
ديمن ف النهايه غارق
وحلم جميل بيتسرسب
ومين العمر ليه سارق
فيه ناس من كتر أوجاعها
مبقاش شئ معاها فارق