شعر شعبي/محمد القاسمي من تونس
متابعة عبدالله القطاري من تونس
ما تغيضـني لوكان يـوم خسرت
في معــركة وكان العدو شريـف۔۔
واتغيـضني وانحـسني اتحيّرت
في معركة فيها الكذب و الزيف۔۔
ومحال درت الموذية و تجبـرت
والڨلب رغم الظلم يبـقى نظيف۔۔
لااندمت كي عدّيت لا اتحسّرت
ومانيش ملّي يرضخوا بالسيف۔۔
ولا خنـت طبـعي يوم واتغـيّرت
والطبع عندي دوم يبقى عفـيف۔۔
عاودت طرڨ المـعركة وسطّرت
وقـرّرت ثــاري ناخـذه بالـكـيـف۔۔
محمد القاسمي۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔