شعر شعبي/محمد القاسمي من تونس
متابعة عبدالله القطاري من تونس
انحسك يمة لحـن جميل
و تــطربـني كيف انغـنّيك۔۔۔
و رسمة مليانة تـفـاصيـل
وصورة في شعر اتحاكيك۔۔
تعجبني نظـرة عينيك۔۔۔۔۔
ورسمة فيك۔۔۔۔۔
و حلم بسافر بيّا و بيك ۔۔۔۔۔
ال بر بعيد
ونمشي في درب خطاويك
و عمر جديد
يعانقـنـا دون مواعيـد
وخاطر ما يصبرش عليك۔۔۔۔۔
وڨلب يريد
حاير كيــفاش يكافـيك۔۔۔۔۔۔۔۔
و تعجيبني كيف اتلاڨيني
واتضمّيني
و تنساه العالم واتـجـيني
ونلڨـى ڨـلبي ينبـض بيك۔۔۔۔۔۔
انشوفك يمّة انشوف الضي
وتدخل في
معـاك انحـس بروحـي حي
و ترسم فرحة ليّا و ليك۔۔۔۔۔
وننسى الدنيا ومشاغلها
وكثر حملها۔۔
و اعماق اعماقك ندخلها
ونصغر في حضور معاليك۔۔۔۔۔۔
نعـشڨ روحـك واتفاصيلك
نعشق صوتك و مـواويلك
بلا رادة انفضفـض نحكيلك
ذاتي بحقيقة اتناجيك۔۔۔۔۔
في ضيّك و الا فـي ليلك
ڨلبي يريدك و يــناديك۔۔۔۔۔۔
انحسك يمّة لحن جميل۔۔۔۔۔۔
محمد الڨاسمي