بقلم _ نيفين فوزى
وعدا العام حبيبي معاك
بسرعة اوام ولا حسيت
كأن عمري وأنا وياك
بيجري عكس ما اتمنيت
يا كل سنيني الجاية
فرحة قلبي وأنا شيفاك
يدق القلب و في ثانية
يتمنى سنين في هواك
كل ثانية وأنت العمر
يا بعد العمر وزيادة
يا سكر يمحي كل المر
وجودك جمبي دا سعادة
يسعد قلبك الطيب
ويسعد روحك الحلوة
عمري ماظني فيك خيب
فصعب توصفك غنوة
يا كلمة حلوة وسط اليوم
بتحلى بيها أيامي
وضحكة بدعي بس تدوم
وتفضل دايما الغالي