السيد_شليل
وحنية ضهرى على قهرى تساوى كتير
أنا المحدوف بطول الإيد
وعرض ورفض أرض الدار
لا طولت السعد ف الدوار
ولا طوفت الأمانى سعيد
ولا حصلت يوم باشا
ولا إبن غفير
أنا اللى أسير وباتلاشى
أنا البير اللى باتحاشى
ودايما خالى م الأسرار
أنا النمله ف شق جدار بلا تدابير
أنا المحفور على وشى سنين العمر نازه مرار
أنا المكتوب على جبينه من الأحرار
أنا اللى ف سجنه حاشرينه مع الكفار
أنا الموعود أخاطبهم يجاوبونى بعذاب النار
أنا المختار أكون أراجوز
أهز الجوز أنوب عنهم أنط لفوق
أعليهم وأنا أنزل تحت أقدامهم
كما لو كنت مهووس
الأسى منهم وفرقع لوز
أنا المتعووس على عينه
بيدعى ربنا يعينه
ويبعد عنه حاسدينه
ويجرى يفوز
بعاشقينه ويفضل ب المحبه فانوس………!!!!!!!!