كبسولات_قصصية شر البلية

رشا فوزي

تجلس أمامي على سجيتها، منطلقة في حديثها بعفوية جذابة محببة:

– بس يا ستي، وأبقى في المطبخ قدام البوتجاز بشوّح اللحمة، يدوبك هسقطها في قلب الحلّة، إلا وتهب في وشي فكرة القصة بنت اللذينا، اللي كنت بترجّى فيها طول الليل بعد ما نيّمت العيال، تقولي قاصدة تكيدني.

تنطلق ضحكتي صافية من الأعماق، أستزيدها:

– ها، وعملتِ إيه؟

– تتحرق الفكرة على القصة، ولا يتحرق الأكل أبدا، أنتِ عارفة كيلو اللحمة بقى بكام