ودجز بطاطس مشوية فى الفرن بنكهة وريحة محصلتش
رانيا فتحي عواد
المكونات
بطاطس
️ملح وفلفل اسود
️مكعب مرقة
️كمون وزنجبيل
️السبع بهارات وزعتر
️نص فنجان زيت
️ثوم مفروم ناعم
الطريقة
️ هنغسل البطاطس ونقطعها بقشرها قشرة البطاطس اثناء الشوى بتدى ريحة حلوة جدا عكس اللى بتتقشر هنقطع البطاطس اصابع متوسطة الحجم مش تخينة ومش رفيعة ونتبلها بالتوابل والثوم والزيت ونقلب كويس جدا علشان نوزع التوابل كويس
️نحط البطاطس فى صنية ونفردها ونغطيها بورق فويل .. او زى ما انا كيس حرارى ونعفره بالدقيق وبعدين نحط البطاطس ونقفله ونحطه فى صينيه وعلى فرن ساخن مسبقا درجة حرارة 200 رف اوسط 20 دقيقة وبعدين 10 دقايق تحت الشواية .. اثناء التسوية هتشموا ريحة البطاطس حلوة جدا جدا .. تتزين بالبقدونس او اى حاجة تحبوها وبألف هنا وشفا
