القاهرية
العالم بين يديك
Index Banner – 300×600

مكرونه بالصلصة

64

رانيا فتحي عواد
المكونات:
١-عدد ١ كيس مكرونه (اي شكل تحبوه).
٢-عدد ٢ كوب عصير طماطم .
٣-عدد ١ معلقة كبيرة صلصه.
٤-عدد نصف معلقه من(فلفل اسود-بابريكا-٧ بهارات)
٥-عدد ١ مكعب مرق.
٦-عدد ١بصله وسط مبشوره .
٧-عدد٢ معلقة كبيرة زيت .
٨- رشة سكر.
٩- عدد ١ فص ثوم مفروم .
١٠- عدد ١ معلقة كبيره ملح .
الطريقه :
١-في حله علي النار نحط فيها كميه كافيه من المايه ورشه ملح اول ماتغلي هننزل فيها بالمكرونه و نقلب كويس و نسيبها ١٠ دقايق علي نار عاليه و نقلب كل شويه لحد ما تتسلق هنطفي النار ونصفي المكرونه ونركنها.
٢-في حله علي النار هننزل بالزيت اول مايسخن هننزل بالبصل ونقلب اول مايوصل ل اللون الدهبي هننزل بالثوم و نشوح لحد ريحته ما تطلع و بعد كده هننزل بالصلصة و نقلب و بعد هننزل بعصير الطماطم ونقلب وننزل بالبهارات كلها ومكعب المرقه و رشة السكر و الملح و نقلب كويس وبعد كده نهدي النار لحد ماتتسبك مع بعض.
٣-بعد ماسبكنا الصلصة هننزل عليها بالمكرونه المسلوقه ونقلبهم مع بعض كويس وكده المكرونه هتكون جاهزه هنقدمها في الطبق
و بألف صحه وعافيه

قد يعجبك ايضا
تعليقات