ما زلت واقل
شعرشعبي/ داود بوحوش من بوكريم الهوارية
متابعة عبدالله القطاري من تونس
مازلت واقف
و مازلت الجبال نهدّ
صيد نبقى
في الضبوعة نصدّ
وعد و حدي
و لوكان ما ليّ سند
لا “مارك”
و لا لمّارك تقدر
من عزيمتي تحدّ
و مازلت واقف
و مازلت
على المواقف ثابت
نجمة ضوت
في العلالي
و برشة زنوس
على كتافي علت
جرت ،حفت ، ربت
و توّه جفت
حطّت وجوهها منتالي
و مازلت واقف
مازلت
ربي معايا
مهما كثر
التّنبير ورايا
كلب يكرّ
ينبح بحذايا
آش يهمّ
ذليل يعرف دايا
و مازلت واقف
مازلت
للّي يكنّلي الودّ
مادد ايدي
على العهد
نسكّنه وريدي
حزنه حزني
و عيده عيدي
و مازلت واقف
و مازلت
في المنّان شادد
هاني
في الدّورة لابد
قناص
لعثراتكم صايد
نحنا جهابذه
صحاب شهايد
اللي يحبنا نحبوه
نذبحولو وعايد
و اللي ينافقنا نبعثوه
قعادو زايد