طاجن كوارع بالصلصة

رانيا فتحي عواد
المقادير
كوارع حسب النوع المفضل والاحسن طبعاً الاماميه مقطعة ومغسولة كويس جدا نسلقها في ميه لمده عشر دقائق
وناخدها من الميه المغليه ونحضر حله كبيره فيها
-بصله
– ورق لورا- حبهان – فلفل أسمر بدون طحن
وملح بنضيفه بعد ماندخل فى السوا النهائي
ولعمل الصلصه:
معلقة صغيرة ثوم مفروم
– 1 معلقه زيت
– 1 كوب عصير طماطم
– ملح وفلفل
الطريقة
1- نحط حله على النار وفيها الميه واول ماتغلى احط كل البوكيه جارنيه بتاعى ماعدا الملح وبعد كده احط الكوارع اللى انا مجهزاها واستنى لما تغلى كويس اهدى النار وأسيبها لحد ماتاخد وقتها فى التسوية
2- بعد ماتدخل فى السوا احط الملح
3- بعد ما تستوى الكوارع طبعا ممكن نقدمها مع الفته اللى أكيد بنعملها بشوربه الكوارع وممكن كمان بالطريقه التانيه اللى انا جايبه النهارده بس فى الحاله دى حسوى الكوارع بنسبه 75% بس فى الشوربه وأطلعها عشان تكمل سواها فى الصلصة بالطماطم
الطريقة
حله على النار وفيها معلقه الزيت ومعلقة الثوم المفروم واول ما يصفر انزل بعصير الطماطم وعليه الملح والفلفل وكمون
اول ما يغلى الخليط كويس بحط فيه الكوارع وممكن نزود نص كوبايه شوربه من اللى سلقنا فيها الكوارع، بسيبها لحد ماتستوى تمام وأطلعها وأقدمها مع طبق رز
وممكن كمان نحطها فى طاجن وندخلها الفرن تكمل سواها فيه برضه بتتطلع جميله وانا بعملها كده بالظبط طاجن في الفرن وصحتين وعافيه