القاهرية
العالم بين يديك
Index Banner – 300×600

يا الحنانة مشتاقة

131

شعر شعبي/ مريم السّعيدي من تونس
متابعة عبدالله القطاري من تونس

مشتاقة للمة العايلة وصحبتهم

مشتاقة لضحكة امي ولمتهم

نسمع صداهم نشوف خيالاتهم

لا فارقني حسهم ولا لمساتهم

هاهي يمة ناصبة كانونها

امشعلة بابورها أتخبز خبزتها

دايرين بيها فلالسها اتوكلهم

قلة الحاجة ما اتخليهم

عانت الخصاصة بضحكتها

سعدت عايلتها من حشاها

متكدرة ولا يوم ورت شكوتها

من لحافها خيطت لبستهم

وفيوم العيد سترتهم

للمولى ترفع صوتها وشكوتها

ظلموها هانوها تهموها

حقها باطل وحقها عند الله

صبرت والصبر شكى منها

نسمع صداها نشوف ضياها

نشوف لهفت عينيها

نحس رعشة قلبها وايديها

وقت اللي الايام باش تزهى لها

ربي تذكرها ودارها قبرها

قالت ياحليلي يا طول ليلي

انا المسامحة كل من اتعدى وكلمني

يوم غدوة نتحاسب قدام ربي

قالت من كادني يكيده وهلاكه بايده

قالت نشكي للعالي هو العالم باحوالي

قالت قلبي مليان لمن نشكي

امي الحنانة امي حني

بين عيونك خللي بناتي

لا توجعهم لا تدعيهم لاتهينهم

نقوملك غولة ونوللي ناكل

اخذات العهد مشات مطمانة

حطت احكامها للعالي

يرحم اميرتي الحنانة

اللي الضحكة بعدها محاله

مريم السعيدي

تونس الخضراء

قد يعجبك ايضا
تعليقات