القاهرية
العالم بين يديك
Index Banner – 300×600

حكايتك إيه ؟!

114

بقلم / د.مايسةإمام
على مَهْلَك يااسطى مَتِجْرِيشِ
هَدِّي شوية
رايح بينا علي فين ماتقول
ولا دي رحلة سِرِّيَة
الناس بِتْبُص علينا
وعنِيهَا رايحة وجايه
محناش عارفين على فين رايحين
ولا رايحين هُمَّ في داهية
ماتقول يااسطى فين مشوارك
وحكايتك ايه هي ؟!
احنا كنا في الغيط عايشين
والحالة هناك مِيَّه مِيَّه
بَرْسِيمْنَا خَضَارُه منَوَّر
ترعتنا شَرْبِتها هَنِّيَة
نشقى نتعب ، نعرق نغلب
يد صاحبنا فيها حنية
شايلين حاطين في غبيط وعجين
م الصبح للمغربية
تحت الشجرة متضللين
لما الشمس تيجي عَفِّيَه
سِيبْنَا يااسطى في حالنا وفُوتْنَا
وسِيب الناس وبلاها بَلِيَّة

قد يعجبك ايضا
تعليقات