القاهرية
العالم بين يديك
Index Banner – 300×600

بحلم على قدي

211

كتبت_سها نافع

بسأل سؤال بجد هو ليه العالم مليان حروب ومشاكل وصراعات وأحداث كتيرة ملهاش عد ؟

وليه ما يكُنش فيه سلام و استقرار يسود الأرضْ ؟

هو ده شيء صعب؟

هو ده مستحيل بجد ؟

حد يقولي ويفهمني هو طلبي فاق الحد !؟

كل ده ليه؟ وعلشان إيه؟ ما في النهاية لينا نهاية ومش هَنُخلد على الأرض.

والغريبة والعجيبة إن ما فيش دولة بتحارب دولة بتهدى ولا تتهد ، لا وباء بيأثر فيها ولا براكين ولا أعاصير حتى الحرايق والفيضانات وكأن الرسالة مش ليها.

إمتى تتبَروز حدود الأرض وما فيش حد يفوق الحد؟

هو ده شيء صعب ؟

هو ده مستحيل بجد ؟

ياااااه لو يعُم الخير والسلام وتعيش الناس في أمان على الأرض.

ومش هستسلم ولا هسلٓم وهفضل أقول وأتكلم حتى لو كان الحل إني أحلم ، وهقول لنفسي وقتها يكفيني أني بحلم حتى لو كان حلمي على القد.

قد يعجبك ايضا
تعليقات