بقلم محمد عنانى
على صفحته كاتب دكتور
زى كتير غيره ومبهور
فاكر نفسه كمان مشهور
وفى أوهامه سنين وشهور
غرقان فيها لركبه بحور
أنا دكتور أنا دكتور
وعلى صحابه قَايم بالدور
فرض وكله يقول دكتور
و كل عَلَاَم اخونا الأمور
الإبتدائيه وعلى كام دور
وناجح بالعافيه ومجبور
وفى دبلومه كمان محشور
ومسائى لو كان فيه حضور
كله ياناس أصبح دكتور
لو سباك وفى إيده شنيور
وبشهادات مضروبه وزور
روح على بيتكم فوق السور
واعمل يافطه كبيره دكتور
ومتنساش فرعين من نور
وقزاز غالى من البنور
وكمان قوم هاتلك حنطور
وِلِف الكَفْر داير ما يدور
أنا دكتور أنا دكتور
تعليقات