اه لو يوم تيجيني
بقلم ماجدة البهيدي
ااااااه لو بس تاني
يعود بياه زماني
لو مرة واحدة اشوفك
وأملي عيوني تاني
ااااه لو يوم تيجيني
تهمس لي يا ضي عيني
وتقولي يا حبيبتي
تعالي و ارجعي لي
ااااه لو كنت جاري
كنت تحس ناري
ولهفة قلبي ليك
وسهري وأنتظاري
ااااه لو كنت نني
ورمشي وحتة مني
كنت عرفت إنك
اغلى عليا مني
اااااه لو كنت داري
بحيرتي وأنشغالي
مكنتش يوم تسبني
في بعادك ألالي
ااااه لو بس تاني
المح عينيك ثواني
لا كنت يوم اسيبك
تبعد عني تاني
ااااااه لو شوفت حالي
واللي بعدك جرالي
أسمع قلبي يقولك
يحكيلك عن مراري
ااااااه صوتك وأحشني
وسكاتك حايشني
وبعدك على عيني
يا اغلى من سنيني
ااااه يا نبض روحي
و يا بلسم جروحي
مهما طال بعادك
هتفضل أنت روحي
اااااه يا كل حالي
وحبي وانشغالي
اااااه لو تيجي تاني
وتنور لى الليالي
اااااه يا دمع عيني
مش لقياه اللي يوسيني
بكفاية حرام عليك
ابعد سبني لأنيني
اااااه يا وجع قلبي
لأمتى اصبر واخبي
العمر كله راح
ولا حد حس بغلبي
وااااه على القاسية
و الدمعة المدارية
وااااااااااه ع حب راح
ولا طمرت فيه الحنية
ااااه ع عشرة سنين
يحكيها العاشقين
وفي لحظة وبلاش
و باعونا الغالين
و ااااه على ليل حزين
ودموعي سهرنين
وليه القسوة ليه
يا أبو قلب ما في حنين
بقلمي
الأحد 2021 /21/2
:
#ماجدة_البهيدي
:
