السكوت

بقلم _ هبــــة اللّـه يوسف محمود سند

السكوت عمره ما كان ولا ها يكون حل ولا علامة الرضا ،السكوت جبن خوف ،هروب ،ضعف ،عدم قدرة على إتخاذ قرار،عدم حب نفسك وقبولك لوضع خاطئأي حاجة غير الرضا .

الحق دائما وأبدا ليه صوت ،
وصوته عالى عمره ما كان ولا ها يكون أخرس .

والرضا عباده .
وربك لو كان عاوز عبادته فى صمت وسكوت مكانش أمر الرسول بالجهر بالدين ونشره.
ومكانش شبه الساكت بالشيطان الاخرس .

*فيه فرق كبير بين الصمت عن الرد فى موقف
فالصمت عن الرد أبلغ رد على سفهاء العقول فالمجادله مع سفيه كمن يحاول فهم لغة طفل مازال يتعلم النطق

*وفرق بين إتخاذ الصمت والسكوت كحل لمشكله لإيمانك
بعدم قدرة الكلام على التغير .

مين اللى قال إن الكلام مش بيغير ، الكلمه الواحده بالسلب أو الايجاب بتغير في نفوس ناس كتير .
الكلمه نور وبعض الكلمات قبور

ولو على التغيير قال تعالى
(إن اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ)

إتكلم طالما مؤمن بكلامك ومؤمن بربك إنه قادر يحقق أحلامك وإرمي تكالك عليه