متابعه الصحفي: بسام سيد
هبه حسن ابوالمجد
معالج نفسي وسلوكي واستشاري الصحه النفسيه والإرشاد الأسري والتحفيز الإيجابي ورئيس لجنه الدعم النفسي لمحافظات وجه بحري لمبارده احنا قدها
المستشار الاعلامي لراديو ستار لايت
بسم الله نبدأ
مع كل الاحداث الخارجيه والداخليه ف مصرنا الحبيبه يجب علينا التركيز علي
عوده الهويه الوطنيه للاولادنا
انت عارف الطفل اللي بيكبر بهويه وطنيه . وبيكون عارف قيمه بلده ووطنه شايف أبوه بيحب أرضه ووطنه وأمه بتتفرج وبتتكلم ع انجازات البلد وقوه جيشها وصمود شعبها
بعض النظر عن السلبيات والصعوبات اللي بتواجهنا أو متفقين أو مختلفين مع سياسه بلدنا وحكومتها مهم جدا انك كأب وكأم تفصل مابين الوطن والأرض والعرض والجيش والشعب عن أي خلافات أو سياسات تانيه مهم اوي انك تتكلم عن مصر بفخر وعزه وكرامه وعن الجنود اللي ع الحدود وع قوتهم وشجعاتهم صدقني الطفل اللي بينشأ ف البيئه دي بيكون عنده هويه وطنيه بيكون عنده استقرار نفسي بيكون عنده ثقه ف نفسه وفي بلده حبه لبلده اللي بتغرسه فيها بيقوي عنده الانتماء والشجاعه بيكون طفل قوي شخصيته حقيقيه وقويه مش بيكون عنده سلوكيات خاطئة بنسبه 80% محدش يعرف يسيطر عليه وبيكون عنده فكر وطموح وبيكون ارض خصبة انه يكون قاءد مش تابع
انت كده بتزود عنده الإنتباه والتركيز وبتقوي الذاكره وبتزود التحصيل الدراسي عنده وبتخليه انسان سوي نفسيا بدون عقد وهشاشه نفسيه الطفل ده هو الشاب الجدع الشجاع وهو الزوج الصالح هو الابن البار هو الأب الحقيقي الحنون اللي وجوده درع لأسرته
جه وقت الاتحاد الأسري الاجتماعي وخلينا ندي ضهرنا للسلبيات ع اد مانقدر ونتكلم قصاد ولادنا ف الخير والبلد والأرض والعرض والوطن
يعني أنا كأب وأم اعمل ايه ؟؟؟
يعني نرجع المشاهده ع التليفزيون من تاني ونتلم كلنا ولو حتي نص ساعه وقت الاكل والحديث عن انجازات أو مشروعات أو حتي ولو قصه عن حرب أكتوبر المجيد
فيه قصص كتير جدا لبعض الجنود ف الوقت ده ممكن تعمل بحث عنها وتعرفها .
ضروري جدا يكون عندنا علم مصر ف البيت ونهتم بيه زي مابنهتم بيه ف كره القدم
اي حدث ف انتصار خلال السنه تتكلموا عنه وعن الأحداث
وكل حد من الأولاد أنه يعمل بحث أو يحكي حكايه عن اكتوبر مثلا وليه مكافاه وهو اللي يشرح الأحداث
نزور الاماكن الاثريه زي زمان ورحلات المدارس والمعلومات اللي كنا بنفتخ