شعر شعبي /الشاعر محمد القماطي من الهوارية
متابعة عبدالله القطاري من تونس
الصوف لازمو قرداش
ومغزل يبرمو يريمة
و الحر ما إخالط لوباش
خلطتهم إطيح من القيمة
و عاشق الزين ما يتهناش
الزين ما إدومش ديما
حنانة ولديك ما تلقهاش
إياك توجعهم بكليمة
جبر القريب ما يبراش
لا إتفيد فيه طبة و لا عزيمة
و خيار الراجل إبات بلاش
و لا يطلب من الرخيص إلقيمة
العمر يمشي و ما يستناش
توب لله راهي توبتو عظيمة
…
يا صاحبي يا العشير
إنزيد إنعاود و إنقلك
جرح البراني والغريب
دواه ساهل ماهل إبدقة
و جرح الحبيب و القريب
ما إتفيد فيه لا عزايم و لا طبة
خلي الأيام و السنين
إتلملم إلجرح و إتردة
بريانة راهو صعيب
دواه طول المدة
