شعر شعبي/منى البابوري من تونس
متابعةـ عبدالله القطاري من تونس
ساعات نضحك من غلبي
و ساعات نبكي بدمعات
و ساعات نداري و نخبي
ياما أحزان و آهات
ساعات القلب معبي
ببرشا برشا ذكريات
و الدنيا مش كيما تحبي
يا نفسي انسي الي فات
ساعات نصرخ بالصوت
و نقول ماضي و فات
و ساعات نحس روحي نموت
و منجم نعيش الحياة
ساعات ياخذني الأمل
لاحلى أرض فيها نبات
و ساعات نحس قلبي تقتل
و منلقى بلاصة فيها نبات
ساعات نتوه في دروب
و نخاف لا ما نرجعش
و ساعات نحبس في مكاني
و نقول باش ما نتوجعش
ساعات لثنيتي ترجعني
دعوة من دعوات أمي
و نقول حقيقة توجعني
خير من كذبة تزود همي
منى البابوري