سويده أحمد
وزير التعليم أعلن رسميا عن نظام جديد للثانوية العامة في جلسة مجلس الشيوخ
النظام الجديد في الثانوية العامة لا يوجد فيه علمي ولا أدبي ولا تشعيب الطالب لما يوصل الثانوية العامة هيلاقي حاجة اسمها مسارات تعليمية وكل مسار فيه مجموعة مواد.. وكل مسار يوديك لمجموعة كليات معينة.. عايز كليات علمية هتاخد المسار ده.. عايز كليات نظرية هتاخد المسار ده.. عايز كليات كذا هتاخد المسار ده، وهكذا.. ولو في جيت في نص الطريق ولقيت نفسك اخترت مسار غلط انت مش حابب تكمل فيه.. هتغيره عادي وتختار مسار تاني.
بالنسبة لامتحانات الثانوية العامة: هتكون من أكتر من محاولة.. مش هتكون فيه امتحانات من فرصة واحدة ولا مستقبل الطالب هيتحدد من امتحان مدته ساعتين تلاتة زي دي الوقت..
هتكون فيه عدة محاولات امتحانية.. نجحت دور أول وعايز تحسن مجموعك هتقدر تحسن بعدها بأسابيع في امتحانات جديدة.. والمجموع اللي هتجيبه بعد التحسين هو اللي هتدخل بيه الكلية.
سوف يتم تطبيق هذا النظام بعد ٣ سنوات من الان بمعني هيكون أول تطبيق على الطلبة اللي بتدرس في نظام التعليم الجديد.. اللي هم في الصف السادس والخامس، والصفوف الاخري أما اللي بيدرس حاليا في أولى وتانية وتالتة إعدادي، هيكملوا في نظام الثانوية الحالي
وقد أعلنت الوزارة سابقا أنه يتم وضع أسئلة امتحانات الثانوية العامة 2024 من بنوك الأسئلة التي أعدها المركز القومي للامتحانات والتقويم التربوي، على أن تعقد الامتحانات وفق امتحان موحد لجميع الطلاب على مستوى الجمهورية.